نرمه واران

شعر کردی کلهری (کرماشانی )‌ و مطالبی در باره ادبیات کردی


گیانم کلیله ئمشه‌و هامه سه‌فه‌ر چمانی

هامه ولات بانان یا له‌یره‌وه‌ر چمانی

یه‌ی جار ده‌رو‌چیگم  یه‌ی جار په‌لوه‌چیگم

یه‌ی جار ئه‌ور دیورم واران له وه‌ر چمانی

یه‌ی جار چم وه‌ره‌و سوو تاگه‌ر ولات ئاسوو

ریو که‌م وه‌ره‌و نیه‌زانم چیو بی خه‌وه‌ر چمانی

تا گیان نوو تیه‌یدن ، زمسان نوو تیه‌یدن

چیو خان نوو تیه‌یدن  ده‌س له که‌مه‌ر چمانی

***

وه‌ختی نیید و زمسان له‌یره هناس کیشی

هامه که‌لاوه‌گه‌ی وا  له خوه‌روه‌ده‌ر چمانی

گیاند وه‌هار ئیمه‌س نیور شه‌وار ئیمه‌س

وه‌ختی چه‌وه‌یل واز که‌ید ،‌مانگید و خوه‌ر چمانی

جلیل آهنگرن‍ژاد



نویسنده : جلیل آهنگرنژاد ; ساعت ۱:٥۸ ‎ب.ظ روز ۱۳٩٠/٢/٢٧