نرمه واران

شعر کردی کلهری (کرماشانی )‌ و مطالبی در باره ادبیات کردی


 

 

 

له پریوکیان پاوهنه یل یهی گهز زوان

گیان دامه‌سه  گهرده چیوانه‌یل

لچ  نامه‌سه‌و  بان  شوونه‌زه‌خمهگان  ماره‌یل  زهحاک

پا دامه‌سه  گهز

ئرای  جارانهیل  جیاواز

ئرای  ژانه‌یل  ژیوژاو هاو‌کور

ده‌م  هه‌لپیچامه

له  دروهیل  سریوت و بالیوت

***

له پریوکیان  پاوهنه یل  یهی  گهز  زوان

له  ئه‌وه‌ل  کور  کهلیمهیل  بی که‌لاوه

له کی وهت  کی وهت  دیوهته‌یل  لیوهت

له قهیاره

له دهخیل

له بنه‌لبن تیهریک تاریخ

ههیمان وا تی

ههیمان زا تی

ههیمان شا تی

ههنای مه‌لیوچگ کلیله ،

ههنای هساره بهسیاس

ههنای دار خهفتیه

ههنای واران تاتیله،

کاکیلهی کام  که‌مچان  کوومیه‌یده و؟!

***

یهی شهو

له بیوشه‌یل‌ ئه‌ولای  ئاسمان سهرتاشیای

ئهژنهفتم:

فریشته‌یل

له بوو سریوت و بالیوت دهم هه‌لپیچانه‌و

گه رده‌چیوچانیگ

منهی کاکیلهی که‌مچانه‌یل کوومیای کرد!...

جلیل آهنگرنژاد

کرماشان



نویسنده : جلیل آهنگرنژاد ; ساعت ۱٢:۳٥ ‎ق.ظ روز ۱۳۸٩/۱/٢٥
واژه کلیدی :شعر کردی و واژه کلیدی :شعر نو کردی و واژه کلیدی :شعر معاصر