نرمه واران

شعر کردی کلهری (کرماشانی )‌ و مطالبی در باره ادبیات کردی


 

 

شعر تازه ای از : جلیل آهنگرن‍ژاد

له ناو روژه‌یل وارانی
 هه ر ئه‌وجووره  گِ خوه‌د زانی،


دلم  گیر چه‌وه‌یلیگه
چه‌ووه یلِ  کالِ  له‌یلیگه


چه‌ویگ ئاگر وه کوولم که‌ی
هه چیو شاره‌یل چوولم که‌ی

وه‌لا به‌یده‌م وه‌روه‌و جاران
وه ملک سه‌وز نازاران

وه‌لا به‌یده‌م وه‌ره‌و رووژی

گ ها گیانی له گول تووژی

وه‌لا  به‌یده‌م وه‌ره‌ومالی
گِ  به‌رزه  شین شمشالی


وه‌لا به‌یدم وه‌ره‌و هوهو
وه‌ره‌و وه‌فره‌یل دالاهو و ...

له ناو رووژه‌یل وارانی
هه‌رئه‌و جووره گِ  خوه‌د  زانی،


هه چیو مجنوونِ  ئاواره
وه شیتی  ریو نه‌مه‌ی شاره


منوو شه‌یو خیس دریایی
دلِ له   دووس برپایی

منوو قرچه‌ی دلِ کالی
منوو ئه‌وره‌یل  شه‌یو والی
...
وه تک تک ئه‌وره‌گه‌ی که‌و که‌و
هه چیو ئه‌وریشم خوه‌زیه‌و


تکی ، شووری  په‌ژاره‌یلم
له نوو گول ده ی وه‌هاره‌یلم


دیوه‌ت قژهیول خوه‌زیه‌و تی
ده‌نگ چیوه‌زه‌یل که‌و‌ که‌و تی ...

له ناو رووژه‌یل وارانی
هه‌ر ئه‌و جووره  گِ خوه‌د زانی،


 ره فیقن ئه‌ولما هه‌ر سوو
 مه‌لیوچک  ،  ئاسمان  ،  ئاسوو

 
 بهار ٨٨



نویسنده : جلیل آهنگرنژاد ; ساعت ۱٠:٠۳ ‎ب.ظ روز ۱۳۸۸/۱/۳٠